Дуучин Г.Эрдэнэтунгалагийн  "Best of Erdenetungalag" тоглолт ирэх сарын 1-нд болох билээ. Тэгвэл энэхүү тоглолтын өмнө буюу энэ сарын 29, 30-нд “Хурд” хамтлагийн 20 жилийн ойн тоглолт болох юм. Тиймээс ч "Хурд" хамтлагийн ахлагч Д.Ганбаяр Г.Эрдэнэтунгалаг руу залгаж "Уг нь бид 1-нд дахин тоглох санаатай байсан юм. Гэтэл чи ах нараа том хаалаа даа" гэсэн байна. “Хурд” хамтлагийн 20 жилийн ойн тоглолтыг хоёр өдөр хийгээд ч фэнүүд нь бүгд үзэж амжихгүй учраас дахин нэг өдөр сунган тоглох санаа тэдэнд байсан биз. Гэтэл “Хурд”-ынхнаас дутахааргүй олон хүн цуглуулж чадах Г.Эрдэнэтунгалагийн тоглолт тэдэнд шавар хаасан бололтой. Ямартай ч өөр өөрийн гэсэн сонсогчтой эдгээр хамтлаг, дуучдын тоглолтыг үзэх хүмүүст тоглох өдөр нь олон байх тусмаа л хүртээмжтэй болов уу.