Говьсүмбэр аймагт мэргэжлийн сургалт үйлдвэрлэлийн төвийн өргөтгөлийг хүлээн авах ёслол өнөөдөр болжээ. Энэхүү хөрөнгийг Оюутолгой ХХК гаргасан байна. Тус компани Монгол Улсын мэргэжлийн боловсролын салбарт 168 тэрбум төгрөгийн хөрөнгө оруулалт хийж байгаа бөгөөд 3.8 тэрбум төгрөгийг Говьсүмбэр аймаг дахь Политехникийн коллежийн байрыг өргөтгөн, оюутны байрыг нь шинэчилэхэд зориулжээ. Өргөтгөлийн нээлтэд Хөдөлмөрийн яамны Төрийн нарийн бичгийн дарга П.Гантулга, Говьсүмбэр аймгийн Засаг дарга Л.Одсэр, Политехникийн коллежийн захирал Г.Энхбат болон Оюутолгой ХХК-ийнхан оролцсон байна.