Их Британийн албаныхан АНУ-ын Үндэсний аюулгүй байдлын албад “NSA” иргэдээ тандаж туршихыг зөвшөөрсөн тухай “Channel 4 News”, “Guardian” мэдээллийн агентлагуудад мэдээлжээ. АНУ-ын Тагнуулын тусгай агентлагийн экс ажилтан Эдвард Сноудены мэдээлснээр Үндэсний аюулгүй байдлын алба Их Британийн албаныхны зөвшөөрөлтэйгөөр  2007 оноос хойш тус улсын иргэдийн утасны дугаар, и-мэйл хаягийг цуглуулж байсан гэнэ.  Хамгийн гол нь Их Британийн албаныхан ямар нэгэн гэмт хэрэгт сэжиглэгдээгүй энгийн иргэдийнхээ хувийн мэдээлэлд АНУ-ын тагнуулын байгууллагыг халдахыг зөвшөөрсөн нь олны дургүйцлийг төрүүлсэн байна. АНУ-Их Британийн хоорондох 70 гаруй жилийн настай тагнуулын мэдээлэл солилцох гэрээнд хоёр орны тагнуулын агентлагууд  талуудын албаныхны зөвшөөрөлгүй ямар нэгэн мэдээлэл цуглуулах хориотой байдаг аж.

АНУ-ын Үндэсний аюулгүй байдлын алба олон орны Ерөнхийлөгч, иргэд, бизнесмен, улстөрчдөөс гадна Дэлхийн банк, НҮБ, Европын холбооны удирдлагуудыг тандаж байсан нь ил болсноор ихээхэн дуулиан тарьсан юм.