Японы алдарт Sony компани PlayStation 4 консолоо өнгөрсөн баасан гаригт худалдаанд гаргалаа. Дөрөв дэх үеийн консол PlayStation 4 нь PC GPU нэмсэн, Х86 процессортой, 8GB GDDR5 өндөр хурдны санах ойтой, HDMI, Analog-AV, оптикал дижитал гаралтын зэрэгцээ Blu-ray, DVD-ийг дэмжинэ.

Мөн touchpad, “share” товч бүхий сайжруулсан DualShock удирдлагатай бөгөөд чихэвчийг шууд удирдлагатайгаа холбох боломжтой юм байна.

DualShock 4 гаранд олон товчлуурууд нэмэгдсэнээс гадна, чихэвчний оролт, микрофон, мэдрэмжтэй дэлгэц суурилагдсан байна.

Тоглож байх үедээ өөр тоглоом татаж авч болох учир хүлээх хэрэггүй болсон байна.
Худалдаалагдах үнэ нь 399 ам.доллар.