УИХ-ын чуулганы өнөөдрийн үдээс өмнөх хуралдаанаар Үндэсний аюулгүй байдлыг хангахад стратегийн ач холбогдол бүхий аж ахуйн нэгжид гадаадын хөрөнгө оруулалтыг хэрэгжүүлэх тухай, Хуулийн этгээдийн улсын бүртгэлийн тухай хуульд нэмэлт оруулах тухай хуулийн төслүүдийг хэлэлцээд гишүүдийн олонхийн саналаар “Хэлэлцэх нь зүйтэй” хэмээн үзсэн байна. Ингэснээр энэ өдрийн үдээс өмнөх хуралдааныг завсарлуулжээ. Чуулганы үдээс хойшхи хуралдаан 15.00 цагаас Засгийн газрын мэдээллийн цагаар үргэлжилнэ.