Монголын үндэсний компаниудын нэгдэл дэлхийд гайхуулах музейн цогцолбор байгуулах эх оронч санаачилга гаргажээ. “Монгол 999” групп Чингэлтэй дүүргийн нутаг, Тасганы овоонд газрын зөвшөөрөл авч, дэлхийд байхгүй том, эртний түүх соёлын дурсгалт зүйлсийн музейн цогцолбор байгуулахаар болсон байна. Монголчууд дэлхийд гайхагдах өв, үнэ цэнэтэй бүтээл арвинтай ч, харамсалтай нь хил давж, харьд худалдагдах болсон учраас тус нэгдэл музей байгуулахаар болжээ.