УИХ-ын гишүүн Г.Уянга “Гал үндэстэн” холбооны тэргүүн Ц.Мөнхбаярыг батлан даалтад гаргах хүсэлтээ Сүхбаатар дүүргийн шүүхэд гаргажээ. Гудамжинд хамт тэмцэж байсны хувьд Ц.Мөнхбаярыг суллуулахын төлөө тэмцэнэ гэдгээ Г.Уянга гишүүн өмнө нь мэдэгдээд байсан юм. Тэрээр, Ц.Мөнхбаяртай хувийн байдал, хувь хүний мөн чанарыг харгалзан үзэж, мөрдөн байцаах, прокурор, шүүхийн шатанд мөрдөн байцаагт дуудсан цагт саадгүй ирүүлж, хэрэг шалгах ажиллагааны явцад төлөв томоотой байлгын батлан даахаа мэдэгдэж, хүсэлт гаргасан байна.

Сүхбаатар дүүргийн шүүхэд  Г.Уянга гишүүний хүсэлтээ энэ сарын 13-нд буюу өчигдөр өгсөн бөгөөд хуулийн дагуу түүний хүсэлтэд 72 цагийн дотор хариу өгөх ёстой юм байна. “Гал үндэстэн” холбооны тэргүүн Ц.Мөнхбаяр нь одоогоор хорих 461-р ангид хоригдоод байгаа бөгөөд түүнийг саяхан тус анги руу шилжүүлсэн юм.  Сануулахад, “Гал үндэстэн” холбооны тэргүүн Ц.Мөнхбаяр нь Төрийн ордонд галт зэвсэг барьж нэвтэрсэн бөгөөд их хэмжээний тэсэрч, дэлбэрэх бодис нуусан, биедээ авч явсан хэргээр сатуулагдан, шалгагдаж байгаа юм.