Польшийн тусгаар тогтнолын өдрөөр үндсэрхэг үзэлтнүүд “Тусгаар тогтнолын марш” хийж явахдаа Варшав дахь ОХУ-ын Элчин сайдын яаманд халджээ.  Польшийн эрх баригчид тэдний үйлдлийнх нь төлөө Оросоос уучлалт гуйсан байна. Тэдний ажиллагааг цагдаа нар хөөн тарааж, 72 хүнийг саатуулжээ.

Польшийн үндэсний баяр Тусгаар тогтнолын өдөр энэ хэрэг гарсан ба энэ жилийн үндсэрхэг үзэлтнүүдийн маршид 50 мянгаад хүн оролцсон байна. Багтай жагсагчид Элчин сайдын яам руу чулуу, шил шидэлж, Оросын далбааг шатааж байжээ.