Өнгөрсөн онд дэлгэцнээ гарсан “Цасан цагаан ба анчин” киногоор Холливудад шинээр гарч ирсэн найруулагч Руперт Сандерс “Warner Bros.”-той хамтран ажиллахаар болжээ. Тэрээр “Warner Bros.”-ийн шинэ уран бүтээл, Францын алдарт жанжин Наполеон Бонапартын намтраас сэдэвлэсэн “Наполеон” киноны найруулагчаар ажиллахаар сонгогдож, гэрээ байгуулсан байна.

Руперт Сандерсын найруулсан анхны кино “Цасан цагаан ба анчин” нь “Box office”-оос 396 сая ам.долларын ашиг олсон аж. Гэхдээ тэрээр киноны гол дүрийн жүжигчин Кристен Стюарттай учир ургуулснаас багагүй хэл аманд орооцолдсон билээ.