-Өнгөрсөн Засгийн газрын хуралдаан дээр таныг огцруулах асуудлыг хэлэлцсэн юм уу. Элчин сайдаар ажиллах болзолтойгоор огцруулах асуудлыг зөвшөөрсөн гэлцэж байсан?

-Надад ийм санал ирээгүй. Засгийн газраас ийм санал ирсэн байсан ч би хаашаа ч явахгүй.

-Ажилдаа хариуцлагагүй хан­даж байна гэсэн шүүмжлэл бай­гаа юм биш үү?

-Надтай хариуцлага тооцох асуудал байхгүй гэж бодож байна. Олон түмний эрүүл мэндийн тө­лөө цаг наргүй ажилласан гэж л хариуцлага тооцохгүй бол шүү дээ. Намайг гүтгэж, нэр төрд маань  халдаад, хүссэн хүслээ гүйцээх гэж байгаа бол надад хэлэх үг, барих бэлэг бий. Би сайдын суудлыг гуйж, худалдаж авдаг улстөрч биш. Миний улс төрд ажиллах цаг хугацаа, тэмцэл дуусаагүй.

-Эх, хүүхдийн эндэгдэл нэ­мэгдсэн, эмнэлгийн хүртээмж муудсан гэдэг шүүмжлэл олон нийтийн дунд ч их байна?

-Энэ оны эхний арван сарын тайлангаас үзвэл эх, хүүхдийн эн­дэгдэл өнгөрсөн жилийн мөн үеэс буурсан. Төрөлт 4100 гаруйгаар нэмэгдсэн. Манайд бодит байдлыг гуйвуулж олон түмний толгойг эргүүлдэг “хар” технологи нэвтрээд удаж байна. Түүний л нэг байх.

-Түлэнхийн төвийн талаар ямар тайлбар өгөх вэ?

-Зарим теливизээргэмтлийн эм­нэлгийн өвчтөнүүдийг шалан дээр хэвтүүлсэн.  Түлэнхийн төвөө ашиг­лалтад оруулж чадахгүй бай­на гэсэн мэдээлэл гарсан. Гэх­дээ хэн мөнгө төлж захиалгат нэвтрүүлэг цацуулсныг би мэдэж байгаа. Өмнөх Засгийн газрын үед түлэнхийн төвийг нураасан. Улмаар өвчтөнүүдээ гэмтлийн эмнэлгийн шалаар зулаад хэвтүүлсэн бай­сан. Үүн дээр арга хэмжээ авч тү­лэнхийн төвийг түрээсийн байранд оруулсанд харин ч олон хүн бидэнд талархаж байгаа байх.

-Үүнээс гадна Эрүүл мэндийн яам Засгийн газар дотроо хамгийн хүнд сурталтай яамаар тодорсон байна лээ?

-Засгийн газар хоёр удаа яам­дуудынхаа ажлыг дүгнэсэн. Ма­най яам магнайлаагүй ч сүүл ч бариагүй. Дунд хавьд нь явж байгаа. Судалгааны хувьд өөрсдөө нэг үзүүлэлт зохиож, өөрсдийнхөө үзэмжээр байр эзлүүлчихдэг тог­лоомын нэг байх.

-МАХН-ын Бага хурал энэ сарын 24-нд болох тов гарч. Ямар асуудлыг хэлэлцэхээр төлөвлөж байгаа юм бэ?

-Бид МАХН үнэт зүйлээ гээх бий гэдгээс болгоомжилж байна. Бага хурлаараа олон асуудал хэлэлцэнэ. Ямар ч нөхцөлд зарчмаасаа ухарч, байр сууринаасаа хазайхгүй.

-Н.Энхбаяр даргын бие ямар байгаа бол?

-Бие нь засарч, сайжирч байгаа. Гэх­дээ ойрд холбоо бариагүй байна.