Говийн бүсийн өмнөд хэсгээр багавтар үүлтэй, бусад нутгаар үүлэрхэг. Зүүн зүгийн ихэнх нутаг, Төвийн нутгийн зүүн, говийн нутгийн хойд хэсгээр цас орж, зөөлөн цасан шуурга шуурна. Салхи баруун хойноос секундэд 5-10 метр, говь талын нутгаар секундэд 12-14 метр хүрч ширүүснэ. Хүйтэрч Дархадын хотгор, Идэр, Тэс, Байдраг голын сав газраар 8-13 градус, Алтай, Хангай, Хэнтэйн уулархаг нутгаар 3-8 градус хүйтэн, говийн бүсийн өмнөд хэсгээр 0-5 градус дулаан, бусад нутгаар 2 градус дулаанаас 3 градус хүйтэн байна.

УЛААНБААТАР ХОТ: Үүлэрхэг. Бага зэргийн цас орж, зөөлөн цасан шуурга шуурна. Салхи баруун хойноос секундэд 5-10 метр. Өчигдрөөс хүйтэрч 4-6 градус хүйтэн байна.

Өглөө 05 цагт Улаанбаатарт: 5 градус хүйтэн, харьцангуй чийг 83 хувь, агаарын даралт 863 гектопаскаль байлаа. Даралт өдөртөө өснө.

14-нд зүүн зүгийн нутгийн зүүн, баруун болон төвийн нутгийн хойд хэсгээр, 15-нд зарим газраар, 16-нд нутгийн зүүн хагаст, 17-нд зүүн зүгийн нутгаар бага зэргийн цас орж, зөөлөн цасан шуурга шуурна. Салхи ихэнх хугацаанд зарим газраар секундэд 12-14 метр хүрч ширүүснэ. Дархадын хотгор, Хүрэн бэлчир, Идэр, Тэс, Хэрлэн голын саваар шөнөдөө 19-24 градус, өдөртөө 7-12 градус, говийн бүс нутгийн өмнөд хэсгээр шөнөдөө 5-10 градус хүйтэн, өдөртөө 0-5 градус дулаан, бусад нутгаар шөнөдөө 11-16 градус,өдөртөө 3-8 градус хүйтэн байна гэж Ус цаг уур, орчны хүрээлэнгээс мэдээллээ