“The Wall Street Journal” Япон улс Apple-ын хамгийн хурдацтай өсөн нэмэгдэж буй зах зээл болж байгаа тухай мэдээлжээ.

Тус компанийн ухаалаг гар утас болон таблетуудын борлуулалт Японд маш хурдацтайгаар нэмэгдэж байгаа ба ухаалаг гар утас хэрэглэгчдийн дийлэнх хувь нь iPhone сонгодог болжээ.

Өнгөрсөн аравдугаар сарын борлуулалтыг энэ оны дөрөвдүгээр сарынхтай харьцуулахад даруй 27 хувиар өссөн тооцоо гарчээ. Энэ нь Apple компанийн шинэ бүтээгдэхүүний танилцуулгатай холбоотой байж магадгүй ч өмнөх шинэ бүтээгдэхүүний худалдаа хэзээ ч ийм түвшинд хүрч байгаагүй аж.