Дундговь аймгийн Засаг даргаар ажиллаж байсан Д.Чандманьд холбогдох хэргийг Чингэлтэй дүүргийн шүүх өчигдөр хэлэлцээд гэм буруутай нь нотлогдоогүй учир цагаатгажээ.

Түүнийг АТГ-ын Мөрдөн шалгах хэлтсээс албан тушаал, эрх мэдлээ урвуулан ашигласан байж болзошгүй хэмээн шалгасан.  Түүнийг  Дундговь аймгийн 70 жилийн ойн хандиваас хувьдаа хэрэглэсэн гэж иргэд АТГ-т гомдол гаргасан бөгөөд зарим гэрч түүнийг нь баталдаг аж.  Нийслэлийн прокурорын газраас бичсэн яллах дүгнэлтэд түүнийг иргэн Дамдинбалын хандивласан мөнгийг завшсан гэж буруутгасан бөгөөд хохирогчоор нь Дундговь аймгийн ЗДТГ-ын Санхүүгийн албыг тооцжээ.  Гэвч шүүх бүрэлдэхүүн  гэм буруугүй гэж шийдвэрлэсэн байна.  Энэхүү  шийдвэрийг улсын яллагч хүлээн зөвшөөрөхгүй байгаа бөгөөд эсэргүүцэл бичихээр болжээ.