Монгол Улсын Батлан хамгаалахын сайдын урилгаар Бүгд Найрамдах Унгар улсын Батлан хамгаалахын сайд, доктор Чаба Хенде тэргүүтэй албаны хүмүүс арваннэгдүгээр сарын 6-8-ны өдрүүдэд буюу өнөөдрөөс Монгол Улсад албан ёсны айлчлал хийх гэж байна.

БНУУ-ын БХ-ын сайд нь  гэргий, доктор Моника Сайлай болон албаны хүмүүсийн хамтаар айлчлах бөгөөд айлчлалын хүрээнд Монгол улсын Батлан хамгаалахын сайд Д.Бат-Эрдэнэ, БНУУ-ын Батлан хамгаалахын сайд Чаба Хенде нар албан ёсны хэлэлцээ хийж, Монгол улс, БНУУ-ын Батлан хамгаалах яамд хоорондын “Батлан хамгаалах салбарт хамтран ажиллах тухай Харилцан ойлголцлын санамж бичиг”-т гарын үсэг зурна.

Мөн зочид Бүх цэргийн их хар сүлдний өргөөгөөр зочилж, хүндэтгэл үзүүлж, Таван толгой дахь  Зэвсэгт хүчний сургалтын нэгдсэн төвөөр зочилж, үйл ажиллагаатай нь танилцах юм байна.