МАН-ынхан Ерөнхий на­­рийн бичгийн даргаараа “Үнэн” сонины эрхлэгч Ж.Мөнх­батыг сонгожээ. Со­нин байна. Учир нь Ж.Сүх­баа­та­рыг түүнд ялагдсан гээд бодо­хоор. Бас сайхан бай­на. Яагаад гэвэл МАН-ын до­тор нэр хүнд нь унаж буй 70-аад оныхныг төлөөлж чад­санд нь. Мөн Монголын өдөр тут­мын сонинуудын хол­боо­ны Гүй­цэт­гэх захирал улс тө­рийн том хүчнийг түшиж ту­лах хүнд ачааг нуруундаа үүрэх нь. Түүнээс эрч хүч, эр зо­риг “үнэрт­сэн, амтагдсан” уч­раас ит­­гэл хүлээлгэсэн байж таар­на.

Ямартай ч энэ бол МАН-ын Бага хурлын эрх мэдлийн хүрээнд шийдэгдэх асуудал байлаа. Энэ утгаараа тус на­мын гишүүн бус хүмүүст ха­мааралгүй. Үүнийг л зарим хүн мартаад байх шиг. Юуны өмнө түүнийг “Болор цом”-ын эзэн, яруу найрагч гэдгээр хараад байгаа бололтой юм. Гэтэл улс төрийн байр суу­рийн хувьд Ж.Мөнхбат гэдэг энэ залуу МУИС-ийг улс төр судлаачаар төгсөөд АНУ-д англи хэл сураад ирсэн ца­гаа­саа хойш их улс төрөөс салсангүй.

Улс төрийн ууган хүчний бүх л жагсаал цуглаан хатүү хөтүүд нь зүтгэж явсан хат сууж буй улстөрч билээ. Тэрбээр одоогоор МАН-ын шинэхэн генсек гэгдэж байгаа бол УИХ-ын 2016 оны сонгуульд тэрбээр шууд УИХ-ын гишүүн болно. Учир нь пропорциональ системийн  жагсаалтаар намаасаа хоёрдугаарт бичигдэх хүн бол­чихлоо. Хоёр жилийн дараах шинэхэн УИХ-ын гишүүнтэй одоо танилц, Монголын нийгэм.

Тэр бол У.Хүрэлсүхийн “гарын бүтээгдэхүүн”. У.Хүрэлсүхийн хувьд хэдийгээр хурц иртэй, эр зоригтой, огцом, гайхалтай алх­муудыг хийдгээрээ дахин дав­таг­дашгүй дүрээ Монголын улс төрд дархалж чадсан ч үүний зэрэгцээ хүн чанар, нинжин сэтгэлийн үрээр хайртай ханийнхаа эрүүл мэнд, эрхэм нандин гэр бүлийнхээ төлөө УИХ-ын гишүүний суудлаа орхисон. Энэ бол олон хүний далд болон ил хүсэн мөрөөддөг, заримдаа эрх чөлөөнийх нь “цайз” ч болдог чухал бөгөөд үнэ цэнтэй эрх мэдэл яах аргагүй мөн байв. Харин Ж.Мөнхбат бол хурц дайчин боловч нэлээд цагаахан байж магадгүй. Түүний шүлгүүдээс өнөөгийн болж бүтэхгүй нийгэмтэйгээ тэрсэлж адарч яваа яруу найрагчийн ша­налан үнэртдэг. Учир нь тэр эх оронч хүн байх.

Шинэхэн генсек Ж.Мөнхбатад МАН гэдэг том хөлөг онгоцны жолоог атгаж, хар бор хамаг ажлыг хийх хангалттай туршлага, чадамж, хамгийн гол нь эр зориг, сэтгэлийн хат бий. Тэрбээр шинэчлэлийн тө­лөө, шударга ёсны төлөө өлсгөлөн зарлах, жагсаал цуглаан зохион байгуулахад тэргүүнд нь явж байсныг олон нийт мэднэ. Залуу хүнийхээ хувьд түүнд алдаа гар­гах үе байсан. Тэр ч байтугай хааяахан казино тог­лочихдогт нь хүртэл уучлах шалт­гаан хангалттай төдийгүй энэ бүхнээ засаж хасаж чадна гэдэгт намын “ах нар” нь ч итгэдэг юм билээ.

Үүнд л Ж.Мөнхбатын улс тө­рийн амбицийг зөвтгөх шалтгаан оршиж байгаа юм бус уу. Энд шинэ генсекийг бялууртал магтъя гэж бодсонгүй. Харин асар богино хугацаанд буюу ердөө дөрөвхөн жилийн дотор өөрийг нь тойрон хү­рээлэх залуусын багийг бүрдүүлж чадсан нь хүн бүрт заяахгүй “авьяас” юм уу гэж харагдсаныг нуух юун. Саяхан буюу МАН-ын Бага хурлын өмнөхөн түүний төр­сөн өдөр тохиов. Эгээ л лидерүүдийн төрсөн өдөр аятай зөндөө олон залуус түүнд өгөх бэлгээрээ өрсөлдөж угтаж тосно. Маш со­нин зураглал харагдсан. Өөрөөр хэлбэл Ж.Мөнхбат бол “рекетчин” биш. Жирийн л нэг найрагч залуу. Гэхдээ түүнд зарим хосгүй чадвар буй. Тиймээс ч 21 дүгээр зуунд “Үнэн” сонины эрхлэгчээр ажиллахаас “ичээгүй”. Харин ч баярлаж өөд та­тахаар ханцуй шамлан ажилласан. Өөрийн нөлөөллөө бэхжүүлэхэд тус сониныг ашиглах арга замыг хайсан.

Үнэн хэрэгтээ Ж.Мөнхбатын үеийнхэнд МАН-ын Удирдах зөв­лөлийн дэргэдэх Улс төрийн бодлогын байнгын хорооны дэд даргаар ажиллана гэдэг “жижиг амбиц” биш ээ. Тэр үүгээрээ үеийнхнээсээ ялгарч тэднээр хү­рээлүүлж чадсан. Дээр бичсэн зүйл дотор оргүй худал зүйл байхгүй. Тиймээс Ж.Мөнхбатыг хүлээн зөвшөөрөхөөс өөр аргагүй. Танилц, тэр бол 2016 онд УИХ-ын гишүүн болох Ж.Мөнхбат юм.