“Жаст” группын ерөн­хий­лөгч асан Ш.Батхүү Өмнөд Африкийн “Стандарт” банк­наас төрийн өмчит ком­паниудын нэрийг барин 140 сая ам.доллар залилсан.

Үүнээс болж Монгол Улсын Зас­гийн газраас өдгөө дээрх мөнгийг нэхэмжилсэн албан тоотыг ТӨХ-нд ирүүлээд бай­гаа юм. Товчхондоо “Стан­­дарт” банк Монгол Улсын Зас­­гийн газраас 140 сая ам.дол­лар нэ­хэмжилсэн гэсэн үг.

Гэ­тэл өнгөрсөн долоо хо­ногт Ерөн­хий сайд Н.Алтанхуяг сэтгүүлчидтэй уулзах үеэрээ “Стандарт банк манай Зас­гийн газраас ямар ч өр төл­бөр нэхэмжилж албан тоот ирүү­лээгүй” гэж мэдэгдсэн нь олныг гайхшруулаад байна.

Тэгвэл өнгөрсөн сарын 22-нд Хууль зүйн сайд Х.Тэмүүжин сэтгүүлчидтэй уул­­захдаа доорх хариултыг өгч байв. Тэрбээр “Ш.Батхүү хэр­гээ хүлээсэн. Түүний балгаар Монгол Улс 140 га­руй сая ам.долларын өрөнд орчихоод тухайн банк нь Зас­гийн газраас нэхэж байгаа.

Тиймээс шалгалтыг нэ­лээн нарийн явуулж байна Татвар төлөгчдийн мөнгөөр үүнийг төлөх ёсгүй. Ер нь “Эрдэнэт” үйлдвэртэй холбоотой цөөнгүй асуудал сөхөгдөж байгаа” хэ­мээн мэдэгдсэн.

Харин тус банкнаас ТӨХ-нд ирүүлсэн албан шаардлагад “Жаст” группыг их хэмжээний зээлээ тө­лөөгүй байгаа тухай дур­даад, ху­вийн компанид ба­­­тал­гаа гар­гаж өгсөн ТӨХ-ноос мөн­гөө нэхэмжилсэн байна.

Улмаар албан тоотод Зас­гийн газрыг 140 сая ам.дол­ларын өрөө бараг­дуу­лахгүй бол Ар­­битрын шүүхэд хан­дана гэж “Стан­дарт” банк­наас анхаа­руулжээ.

Эндээс харахад 140 гаруй сая ам.доллар залилсан Ш.Батхүүгээс болж Монгол улсын Засгийн газар энэ хэм­жээний мөнгө төлөх нь то­дор­хой байна.

Өнгөрсөн сард ТӨХ-нд мөнгө нэхэмжилсэн албан тоот ирсэн гэдгийг албаны эх сур­валжууд олон нийтийн мэ­­дээллийн хэ­рэгслээр мэ­дэгдсэн.

Энэ мэ­дээ­лэл гарсны да­раа манай ре­дакцийн утас руу иргэд залгаж “Албаны хүмүүс ийм зөрүүтэй мэ­дээлэл өгөөд байх юм. Бид хэнд итгэх юм бэ” гэж цухалдаж байсан юм.

Гэтэл бодит байдал дээр тө­рөөс их хэмжээний мөнгө н­э­хэмжилсэнтэй холбоо­той­гоор Засгийн газар хуралдаж дээрх асуудлыг хэлэлцэн аж­лын хэсэг хүртэл байгуулж, Хууль зүйн яамнаас чиглэл өгч прокурор, мөрдөн бай­цаагч, шинжээчдээс бүрдсэн ажлын хэсгийг өн­гөрсөн сард гаргасан.

Мөн энэ асуудлыг гад­ны хэв­лэлийнхэн хүртэл шуу­гиад байгаа юм.

2009 онд Ш.Батхүү га­даа­дын банкнаас их хэм­жээ­ний зээл авахад Төрийн өмчийн хороо, “УБТЗ” ком­пани ба­талгаа гаргаж өгсөн гэх асуу­далтай холбоотойгоор Мон­гол Улсын Засгийн газ­раас 140 сая ам.доллар нэ­хэмжилж эхэлсэн гэдгийг зарим албаны эх сурвалжууд өгүүлсэн.

Энэ хэрэгт монголын та­лаас шинжээч томилогдон ба­талгааны гарын үсгийг хуу­рамч мөн эсэхийг нь шалгаж эцэслэн тогтоож нэр бүхий хүмүүс уг хэ­рэгт холбоотой болох нь батлагдсан гэж мэдээллийн хэрэгслээр мэдэгдэж байсан. Ийм олон баримт мэдээлэл байсаар атал Ерөнхий сайд яагаад үгүйсгэв.

Гэтэл Өмнөд Африкийн “Стандарт” банкныхан “Эр­дэнэт” үйлдвэрээр бат­лан даалт гаргуулж зээл олгохдоо хуу­рамч бичиг баримт үндэс­лээгүй гэж мэ­дэгдэж байгаа.

Харин Ш.Батхүү “Стан­дарт” банкнаас зээл авахдаа “Эрдэнэт” үйлд­вэрийг бат­лан даагчаар оролцуулсан гэх ямар нэгэн албан бичиг тус үйлдвэр болоод Төрийн өмчийн хо­рооны архивт байх­­гүй гэдгийг үйлдвэрийн удирд­лагууд ч мэдэгдсэн.

Гэтэл бидний сүүлд авсан мэдээллээр “Стандарт” банк­­наас манай тал руу явуулсан батлан даалт гар­га­сан гэх албан тооттой нь яг адилхан албан тоот Төрийн өмчийн хороонд байгаа ч өөр утга, агуулгатай аж.

Өөрөөр хэлбэл, нэг албан тоотыг хоёр хувь үйлдэн нэгийг нь “Эрдэнэт” үйлдвэр батлан даалт гаргахад ашиг­ласан, нөгөөг нь хууль жур­мынх нь дагуу өдөр тутмын ажилдаа ашигласан байна.

Тэгэхээр дээрх мэдээлэл үнэн бол Ш.Батхүүг “Стан­дарт” банкнаас зээл авахад эрх мэдэл бүхий хүмүүс тусалж, тус үйлдвэрээр барь­цаа болгон дээрх мөнгийг ав­сан болж таарч байгаа юм.

Уг асуудыг шалгуу­лахаар Төрийн өмчийн хо­роо­ны Өмч хувьчлал, хяналт шал­галтын хэлтсийн даргаар ахлуулсан таван хүний бү­рэл­дэхүүнтэй аж­лын хэсэг томилогдон ажил­лаж байгаа гэх мэдээлэл бий.
Ажлын хэсэгт ХЗЯ-ны Тө­рийн нарийн бичгийн дарга Ж.Баярцэцэг болон Монгол­банк, “Эрдэнэт” үйлд­вэрийн төлөөлөл багтсан гэд­гийг зарим нэгэн эх сурвалж ч мэдээлж байсан.

Хэдийгээр Х.Тэмүүжин сайдын хэлсэнчлэн татвар төлөгчдийн мөнгөөр Ш.Батхүүгийн өрийг тө­лөх­гүй гэж байгаа ч эцсийн үр дүндээ Монгол Улсын Засгийн газар төлөх нь тодорхой болоод байна.