АНУ-ын Алабама, Арканзас, Теннесси мужийн захирагчид энэ лхагва гаригт нутагтаа онц байдал тогтоов. Лхагва гаригийн шөнө гэхэд усан бороо дагуулсан салхины хүч 160 км/цагийн хурдтай байсан ба гамшигт амиа алдагсдын тоо 25 болов.

Нийтдээ сүүлийн өдрүүдэд дээрх мужид  46 хүн амь үрэгджээ. Зарим нутагт үер болж байна. Цахилгааны шугам сүлжээ салхинд тасарсны улмаас Алабама муж гэхэд л 245 мянган өрх цахилгаангүй болсон байлаа. Миссисипи мужид одоогоор хэчнээн хүн цахилгаанаар тасарсныг тогтооход хүндрэлтэй байгаа ажээ. Миссури мужид далан сэтэрсэн байна.