Монгол Улсын Ерөнхийлөгчийн санаачлагаар Билгийн тооллын өвлийн тэргүүн сарын шинийн 1-нийг Эзэн Чингис хааны мэндэлсэн өдөр хийгээд Монгол бахархлын өдөр болгон тэмдэглэж байхаар УИХ-аар хуульчлан баталсан билээ.

Тэрхүү өдөр өнөөдөр тохиож байна.

Тэмдэглэлт өдрийн хүрээнд өнөөдөр 10.00 цагт Монгол Улсын Төрийн далбааг мандуулах ёслол Чингис хааны талбайд болсон бол Төрийн туг Есөн хөлт их цагаан сүлдийг цэнгүүлэх ёслол боллоо.

Тугийг цэнгүүлснээр төр улс түвшин амгалан, ард түмэн бултаараа амар тайван байна хэмээн билигшээж байна.