Өнгөрсөн ням гаригаас эхлэн Соёлын төв өргөөнд хуралдсан МАН-ын 27-р Их хурал хаалтаа хийлээ. Их хурал өчигдөр шөнө дөл болтол хуралдаж, Бага хурлын 310 гишүүнийг сонгох санал хураалт явуулсан бөгөөд тооллогын комисс дүнг Их хуралд танилцуулснаар МАН-ын шинэ дарга М.Энхболд Их хурлын үйл ажиллагааг хааж, өндөрлүүллээ. Хурлын үйл ажиллагаа хаалттай болж өнгөрсөн юм.

Одоо МАН-ын Бага хурал шинэ бүрэлдэхүүнээр Тусгаар тогтнолын ордонд хуралдах бөгөөд тус хуралдаанаас намын ерөнхий бичгийн даргыг сонгох юм.