Үүний өмнө эрх баригчид Шинжаан-Уйгарын автономийн районы хоёр оршин суугчийг хайж буйг зарласан байлаа. Тэд уугуул уйгар хүмүүс байгаа гэнэ. Өнөөг хүртэл Хятадын албан ёсны төлөөлөгч нар нийслэлийн төв талбайд гарсан хэргийн талаар ямар нэгэн мэдэгдэл хийгээгүй байсан юм.

Бээжин хотын төвд зам тээврийн осол аравдугаар сарын 28-нд гарсан юм. Шинжаан-Уйгарийн автономийн районы дугаартай машин цугларсан хүмүүсийг дайрсан байв. Нийт таван хүн, тэдний тоонд машинд байсан гурван хүн амь үрэгдсэн юм. Ослын үеэр наанадаж 38 хүн гэмтжээ.

Шинжаан-Уйгарын автономийн районд ястан үндэстний болон шашны шалтгаанаар эсэргүүцэл, аллага байнга шахам гардаг. Лалын шашинтай уйгарууд нь төвийн засаг тус районыг хятаджуулах бодлого явуулж байна хэмээн дургүйцэж байдаг. Бээжингийн зүгээс уйгарын үндсэрхэг үзэлтнүүдийг террор, салан тусгаарлах үзэл санааг гаргалаа гэж буруутгадаг билээ.