“Сирийн цахим арми” нэртэй хакерын бүлэглэл АНУ-ын Ерөнхийлөгч Барак Обамагийн Твиттер, Фэйсбүүк хаягийг хакердсан гэнэ. Хакерууд АНУ-ын Ерөнхийлөгчийн “Organizing for Action” байгууллагаас хөтлөн явуулдаг “@BarackObama” Твиттер хаяг болон Фейсбүүк хуудсанд халдаж, “Сирийн тухай үнэнийг өгүүлнэ” гэх нэртэй видео бичлэг байршуулсан байна. Түүнчлэн Сирийн хакерууд Барак Обамагаас гадна “New York Times” сонины Твиттерт халдахыг оролджээ.

“Сирийн цахим арми” өмнө нь АНУ-д хэд хэдэн удаа өндөр түвшний хакерын ородлого хийж байсан бөгөөд энэ нь Нэгдсэн улсын арми Сирид цохилт өгөхөөр бэлтгэж байсантай холбоотой аж.