Монголын орчин үеийн утга зохиолын үндсийг тавигч, их зохиолч Дашдоржийн Нацагдоржийн хөшөөг нүүлгэж хуучин В.И.Лениний хөшөө байсан суурин дээр байрлуулав. Нийслэлийн иргэдийн төлөөлөгчдийн тэргүүлэгчдийн ээлжит хуралдаанаар Үндэсний соёл амралтын хүрээлэнд байрлаж байсан Д.Нацагдоржийн хөшөөг нүүлгэхээр шийдвэрлэсэн.

Энэхүү шийдвэрийн дагуу аравдугаар сарын 16-нд Д.Нацагдоржийн хөшөөг буулгасан юм. Долоон метр өндөртэй, есөн тонн жинтэй уг хөшөөний суурийг цутгаж дуусгасан тул ийнхүү В.И. Лениний хөшөө байсан газарт босгосон байна.