Засгийн газар, төв банктай хамтран "Үнэ тогтворжуулах хөтөлбөр"-ийн хүрээнд гурван их наяд төгрөгийг дотоодын зах зээлд нийлүүлсэн. Хөтөлбөрийн хүрээнд шатахууны худалдаа эрхэлдэг 13 компанид арилжааны банкуудаар дамжуулан 192 тэрбум төгрөгийн хөнгөлөлттэй зээлийг олгосон билээ. Дээрх зээлд хамрагдсан "Жаст ойл"-ын зээлийг эргүүлсэн татсан гэх мэдээлэл байгаа бөгөөд энэ нь Ш.Батхүүгийн асуудлаас болсон гэх яриа ч бий. Шатахууны хөнгөлөлттэй зээлээс хамгийн их мөнгө авсан нь "НИК" гэнэ. Тус компани 57.4 тэрбум төгрөгийн зээл авсан байна.