НИТХ-ын шийдвэр, хөрөнгө оруулалтаар Нийслэлийн цагдаагийн газрын хөдөлгөөнт эргүүлийн автомашинуудыг дөрвөн сарын өмнө шинэчилсэн. 2013 оны дөрөвдүгээр сард үйлдвэрлэгдсэн Kia Rio маркийн 75 автомашиныг гардуулж өгсөн билээ.

Гэтэл үйлдвэрээс гараад хагас жил ч болоогүй байгаа уг автомашин өчигдөр орой долоон буудлаас хойш зуслангийн зам дээр осолдсон байна. Осолдсон зураг фэйсбүүкийн “Paparatsi traffic” групп дээр нийтлэгдсэн бөгөөд цаг орчмын дараа устгагдсан байна. Уг зургийг авсан гэрчийн хэлж байгаагаар автомашин 100 метр орчим газар гулссан мөр байсан бөгөөд ослын газар түргэний машин ирсэн, автомашин дотор жолооч болон зорчигч нь харагдаагүй байна.