“Нарантуул” олон улсын худалдааны төвд өнгөрсөн наймдугаар сарын 23-ны өдөр гал гарч, галын улмаас нэг хүн амиа алдаж, 411 түрээслэгч эд хөрөнгөөрөө хохирсон. Өнгөрсөн долоо хоногт мөрдөн байцаалтын хугацаа дуусч, хохирлын хэмжээ,  галын шалтгааныг тогтоосон байна. Нийтдээ 12 тэрбум 300 гаруй сая төгрөгийн хохирол учирч,  таван тэрбум 430 гаруй сая төгрөгийн барааг галын аюулаас аварчээ.  Харин галын шалтгаан нь цахилгааны богино холбоо үүссэнээс үүдэлтэй гэж дүгнэсэн байна.

Харин энэ хохирлыг тус худалдааны төвийн эзэн Ш.Сайхансамбуу барагдуулах  уу гэдэг нь тодорхойгүй байгаа. Ш.Сайхансамбуу 400 гаруй түрээлэгчийн хохирлыг барагдуулах байх хэмээн тэд харзнаж байгаа бололтой. Гэхдээ одоогоор хэрэг дөнгөж прокурорын хяналтад шилжсэн. Хэргийг шүүхээр эцэслэн  шийдвэрлэсний дараа л хохирол барагдуулах   нөхцөл бүрдэнэ. Түрээслэгчид галд өртсөн бараа бүтээгдэхүүнээ хэтэрхий өндөр үнээр үнэлсэн ч холбогдох газрууд хохирлыг тогтоохдоо зах зээлийн үнэлгээгээр тооцсон байна.