АНУ-ын гурван банк Cardless Cash Access (CCS) нэртэй шинэ арр-ыг туршиж эхэлжээ. Энэхүү арр нь ухаалаг гар утсан дээрээ QR код суулгаж, уг кодоо ашиглан АТМ-аас бэлэн мөнгө авах боломжийг бүрдүүлэх гэнэ.

Үүнийг ашигласнаар карт ашиглан АТМ-ээс мөнгө авахад зарцуулдаг хугацаанаас 30-аас 40 хувь бага цаг зарцуулна хэмээн тооцоолж байгаа аж.

Нууцлалын хувьд та өөрийн ухаалаг гар утсаа нууц үгтэй байлгахаас гадна арр-ыг ажиллуулахад мөн нууц үг шаардаж, гүйлгээ хийхэд PIN код нэхэх гэнэ.

Туршилт амжилттай болвол тун удахгүй АТМ-ээс гар утсаа ашиглан бэлэн мөнгө авдаг болох нь ээ.