Ноолуурын үнэ өнгөрсөн гуравдугаар сард хамгийн өндөр буюу 75 мянган төгрөгт хүрсэн. Харин дөрөвдүгээр сар гарсаар баруун аймгийнхан ямаагаа самнаж эхэлсэн нь ноолуурын нийлүүлэлтийг ихэсгэж, үнийг нь бууруулах шалтгаан болжээ. Өнөөдрийн байдлаар нэг килограмм ноолуурын үнэ Улаанбаатар 65 мянган төгрөг байгаа бол Архангай, Баянхонгор зэрэг аймагт 49 мянган төгрөгийн үнэтэй байна. Энэ байдлаараа ноолуурын үнэ цаашид буурах хандлагатай байна.