Агаар мандалд хуримтлагдсан нүүрсхүчлийн хийн нэгдэл дэлхийн цаг агаарын өөрчлөлт болон агаарын бохирдлын нэг шалтгаан болоод байгаа билээ. Харин Колумбийн Их Сургуулийн эрдэмтдийн бүтээсэн хиймэл мод агаар мандлыг цэвэршүүлэх тухай рамблер.ру сайт мэдээлэв.

Хиймэл модыг хийсэн материал түргэн хугацаанд нүүрсхүчлийн хийг өөртөө шингээх чанартай юм. Эрдэмтэд энэ технологи нь агаарыг цэвэршүүлэхэд үр дүнгээ өгнө гэж үзэж байгаа аж. Түүнчлэн энэ модыг газар зүйн аль ч бүсэд байрлуулж болох бөгөөд хаана ч, ямар ч орчинд нүүрсхүчлийн хийг өөртөө шингээх чадвар нь буурахгүй байна.