Хурал
зохион байгуулна гэдэг хэцүү ажил. Зарим хүмүүст зугтаамаар санагддаг ч байж
болох юм. Гэхдээ хурлыг хайнгадуу зохион байгуулснаас болж, хурлын сэдэв ч
тодорхой бус, хэлэлцүүлгүүд утгагүй яриа болон хувирч, зохион байгуулалтгүй
болоход хүрдэг. Хурал гэдэг зүйл хяналтаас гарахдаа хялбар боловч хэрэв та
хурлыг зөв зохион байгуулж чадвал энэ байдлаас зайлсхийж чадна.


Зөвлөмж

1. Хуралд
   оролцох хүн бүртэй хамтран хуралд хэн оролцохыг, хурал хийгдэх хугацаа,
   үргэлжлэх хугацаа болон хурлын сэдвийг тодорхой болгох хэрэгтэй..
2. Хурлын
   хэлэлцэх асуудлыг төлөвлөж, хурлын явцад гарч ирж болох боломжит сэдэв
   бүрийг ч бас төлөвлө. Хэлэлцэх асуудлыг хуралд оролцох хүмүүстэй дор хаяж
   7 хоногийн өмнө хэлэлцвэл зохистой. Энэ нь хурлын хэлэлцэх асуудлыг хүн
   бүр хянаж засварлах, нэмж хасах боломжийг олгоно.
3. Хурлын цаг
   болон хэлэлцүүлгүүдийг хариуцах нэг хүнийг байршуул. Тухайн хүн хурлын
   хэлэлцүүлгүүдийг зөв чиглүүлж, тэдгээрийг нэгтгэн дүгнэх эсвэл
   баталгаажуулах хэрэгтэй.
4. Хурлын
   эхэн болон төгсгөл хэсэгт цаашид ямар сэдвүүдийг хөндөх болох юу хийх
   хэрэгтэй байгааг баталгаажуул.
5. Хэрэв энэ
   хурлаар хүн бүрийн асуултанд хариулж чадаагүй бол дараагийн хурлыг
   төлөвлө. Хэрэв урьдчилан тооцоогүй сэдвүүд гарч ирсэн ч бүгдийг нь нэг
   хуралд багтаах нь маш том алдаа юм. Хурал бүрийг сэдэв болон дэлгэрэнгүй
   байдлаар нь анхаарч зохион байгуул.
6. Хурлыг
   нэгтгэн дүгнэж, оролцогчдод мэдэгд. Энэ мэдээлэлдээ дараагийн хурлын тов
   болон цаг хугацааг ч бас оруулах боломжтой.

 Эх сурвалж: http://biznetwork.mn/