УИХ-ын дарга З.Энхболд Олон улсын парламентын холбооны ээлжит 129 дүгээр ассамблейд оролцохоор өчигдөр Улаанбаатар хотоос мордсон байна. Швейцарийн Женев хотноо болж байгаа дээрх хурлаар “Улс төрийн намуудын парламентын гишүүдэд тавих хяналт”, “Цөмийн зэвсэггүй дэлхийн төлөө:парламентын оролцоо” зэрэг тусгай хэлэлцүүлгүүд болох бөгөөд үүнд УИХ-ын дарга З.Энхболд оролцох юм байна.

Дараа нь УИХ-ын дарга Турк улсад айлчлах юм байна. Айлчлал аравдугаар сарын 13-н хүртэл үргэлжлэх ажээ.