АНУ-ын Төсвийн хямрал нь тус орны гадаад бодлогод нөлөөлж эхэллээ. Ирэх долоо хоногт явагдах Худалдааны чөлөөт бүсийн тухай Европын холбоотой хийх хэлэлцээний хоёрдугаар шатыг хойшлуулсан тухай Америкийн тал утсаар Европын холбооны Худалдааны дээд комиссар Карел де Гюхтад мэдэгдсэн байна. Америкчууд төсвийн гацаатай байгаа учраас төлөөлөгчдөө Брюссельд явуулж чадахгүйд хүрчээ.

Хэлэлцээрийг хойшлуулсан нь  чөлөөт худалдааны бүс байгуулах эцсийн зорилтод харшлахгүй бөгөөд энэ асуудлаар зөвөлгөөг аль болох хурдан хугацаанд сэргээнэ гэдгийг Вашингтон онцолжээ.

Төсвөөр маргаан үүсч батлаагүй учраас хэдэн зуун мянган төсвийн ажилтнууд цалингүй амралтад байгаа. Мөн АНУ-ын Сангийн яамны Иран, Сирийн эсрэг авсан хориг арга хэмжээг хянадаг тасгийнхан хүртэл амралттай байгаа ажээ. Цагаан ордны төлөөлөгч Жей Карнийн хэлснээр тус тасгийн 175 ажилтнаас дөнгөж 11 хүн л ажлаа амилуулж байгаа гэнэ.