Өмнөд Солонгосын автомашин үйлдвэрлэгч Hyundai компани тун удахгүй тансаг зэрэглэлийн бүтээгдэхүүн үйлдвэрлэгчдийн эгнээнд нэгдэнэ. Гэхдээ энэ алхмыг тус компани дангаараа хийхгүй бөгөөд Prada брэндээс дэмжлэг авах болно. Энэ удаа Италийн тансаг зэрэглэлийн эрэгтэй эмэгтэй бэлэн хувцас үйлдвэрлэгч Prada компани автомашин үйлдвэрлэгчтэй хамтарч байгаа нь анхны тохиолдол юм.

Hyundai болон Prada нар хамтарч Genesis суудлын автомашины интерьерийг шинэчлэн сайжруулах юм. Шинэчлэгдсэн тансаг зэрэглэлийн Genesis загвар нь Saffiano арьсан доторлогоотой болох ба зөвхөн суудал төдийгүй бариул, хаалганы хөвөө зэрэг нь цэвэр арьсан бүрээстэй болох ажээ. Уг загварыг нийт  1200 ширхэг үйлдвэрлэхээр төлөвлөсөн ба бөөнд нь бус захиалга авах шугамаар үйлдвэрлэх тул үнэ нь 74,000-аас 92,500 ам.долларын хооронд хэлбэлзэж байхаар тогтжээ.