Ахмадын өдрийг тохиолдуулан Нийслэлийн Баянзүрх дүүргийн Гачуурт тосгоны Засаг даргын Тамгын газраас хорооны ахмадууддаа хүндэтгэл үзүүллээ. Энэ жилийн хувьд тус тосгоны захиргаанаас Ахмадын өдрийг “Ногоон-цагаан өдөр” уриан дор зохион байгуулсан бөгөөд эл арга хэмжээнд 600 орчим ахмад оролцжээ.
Мөн уг хүндэтгэлийн арга хэмжээний үеэр ахмадуудын тарьсан хүнсний ногоо болон цагаан идээний амталгаат үзэсгэлэн худалдаа болсон юм. Түүнчлэн ахмадуудын дунд зохиосон уралдаан тэмцээний ялагчдыг шалгаруулан өргөмжлөл, мөнгөн шагналаар шагнаж, урамшууллаа.