АНУ-ын Азийн сан, АНУ-ын Олон улсын хөгжлийн агентлагаас санаачлан залуусын дунд “Сайн засаглал ба ил тод байдал” сэдэвт гэрэл зургийн уралдаан зарласан бөгөөд ирэх аравдугаар сарын 2-ний 15.00 цаг хүртэл бүтээлүүдийг хүлээн авах юм.
Залуус та бүхэн сайн засаглалын мөн чанарыг харуулсан бүтээлийг гэрэл зургийн дуран авайндаа буулгасан бол дээрх уралдаанд сойгоод үзээрэй. Бүтээлээ ирүүлэхдээ өөрийн овог нэр, холбогдох утас, регистрийн дугаарын хамт davaadamdin.dejid@asiafoundation.org и-мэйл хаягаар JPEG файлаар илгээх,  эсвэл өөрийн биеэр АНУ-ын Азийн сангийн байранд CD-гээр хүргэх боломжтой аж.
 
Шалгаруулалтыг АНУ-ын Азийн сангаас томилогдсон шүүгчдийн бүрэлдэхүүн, мэргэжлийн гэрэл зурагчдын саналыг үндэслэн бүтээлүүдийг сэдэв, бүтээлч байдал болон уран сайхны илэрхийлэл зэрэг үзүүлэлтийг харгалзан шалгаруулах юм байна. Шилдэг бүтээлүүдийг аравдугаар сарын 10-нд Монгол Улсын Төрийн түүхийн музейд тавьж олны хүртээл болгох ажээ.

Нэгдүгээр байрт шалгарсан бүтээлд 1 сая, хоёрдугаарт байрт шалгарсан бүтээлд 500 мянган төгрөг, гуравдугаар байрт шалгарсан бүтээлд 300 мянган төгрөгөөр урамшуулна.