Зоонозын хэлбэрийн  боом өвчнөөр Завхан аймгийн Алдархаан сумын Аргалант багт дөрвөн хүн  өвчилсөн байна. Тэдэнд боом өвчний шинж тэмдэг илэрч эхлэхэд тус аймгийн нэгдсэн эмнэлэгийнхэн нягталж үзээд боом мөн болохыг тогтоожээ. Өвдсөн иргэд одоо аймгийн нэгдсэн эмнэлэгт хэвтэн эмчлүүлж байгаа аж.

 Өмнө нь тус аймгийн Тэлмэн сумын Нуур багт нутагладаг хоёр айлын хоёр үхэр боомоор өвчилсөн байсныг аравхан хоногийн өмнө илрүүлээд байсан билээ. Энэхүү үүссэн нөхцөл байдлаас болж тус сумын Засаг дарга захирамж гарган 14 хоногийн хугацаатай хорио цээрийн дэглэм тогтоогоод байгаа юм байна. Улмаар голомтын бүсэд нутаглах зургаан өрх айлын 19 хүн, 3000 малыг урьдчилан сэргийлэх вакцинд хамруулахаар болжээ.