Samsung компани Corby II загварын смартфоныг элдэв дуулиан шуугиангүй Европод өнгөрсөн долоо хоногт худалдаанд гаргалаа. Энэхүү загвар нь Corby гар утасны сайжруулсан хувилбар бөгөөд шинэ загварт хэд хэдэн жижиг өөрчлөлтүүдийг хийсэн байна.
Corby II смартфон нь 240 x 320 пикселийн нягтаршил бүхий 3,2 инчийн хэмжээтэй дэлгэц, 26 мегабайтын дотоод санах ой, бичил SD картны оролт, хоёр мегапикселийн хүчин чадал бүхий камертай ажээ. Харин холболтын хувьд Wi-Fi, Bluetooth 3.0-той бөгөөд стандарт USB оролт, 3,5 мм-ийн аудио оролттой юм байна. Corby II смартфоныг Европод худалдаалах жижиглэнгийн үнийг 189 еврогоор тогтоожээ.