БОАЖЯ, Дорнод аймгийн Засаг даргын тамгын газраас зохион байгуулж буй "Хөрш зэргэлдээ гурван улсын аялал жуулчлалын өдөр-2011" маргааш Дорнод аймагт эхэлнэ. Энэ хүрээнд "Зүүн бүсийн аялал жуулчлалын өнөөгийн байдал, хөгжлийн чиг хандлага" oлон улсын эрдэм шинжилгээний бага хурал, гурван улсын бизнес аялал жуулчлал эрхлэгчдийн хамтарсан үзэсгэлэн худалдаа, монгол туургатны үндэсний хувцасны загварын шоу үзүүлэх гэнэ. Мөн гурван улсын хил орчмын аялал жуулчлал, бизнесийг хөгжүүлэх бизнес форум, зүүн гурван аймгийн аялал жуулчлал, зочлох үйлчилгээний ажил эрхлэгчдэд зориулсан практик сургалт зэргийг зохион байгуулах юм байна.