Төрийн ордонд өнөөдөр УИХ-ын хоёр байнгын хорооны хуралдаан товлогджээ. Эдийн засгийн байнгын хорооны хуралдаанаар Монгол Улсын эдийн засгийн гадаад, дотоод орчин, хөгжлийн явц байдалд судалгаа дүгнэлт хийх, цаашид баримтлах чиг хандлага, даруй авч хэрэгжүүлэх арга хэмжээг тодорхойлох үүрэг бүхий Улсын Их Хурлын даргын захирамжаар байгуулагдсан ажлын хэсгийн мэдээлэл сонсохоос гадна Хөрөнгө оруулалтын тухай, Хөрөнгө оруулалтын сангийн тухай хуулийн төслийн анхны хэлэлцүүлгийг хийх аж.

Мөн дараагаар нь Төсвийн байнгын хорооны хуралдаан 11.30 цагаас хуралдаж Татварын ерөнхий хуульд нэмэлт, өөрчлөлт оруулахтай холбоотой хуулийн төслүүдийг хэлэлцэхээр болсон байна.