УИХ дахь намын бүлгүүд долоо хоног бүрийн даваа гаригт хуралддаг дэгийн дагуу өнөөдөр УИХ-д суудалтай намын бүлгүүд хуралдах юм. Тодруулбал, УИХ дахь Ардчилсан намын бүлэг 09.00 цагт Төрийн ордны “А” танхим хуралдах бол Монгол Ардын намын бүлгийн хуралдаан мөн 09.00 цагт “Б” танхимд болох аж. Харин МАХН-МҮАН-ын “Шударга ёс” эвслийн бүлэг мөн дээрх цагт “В” танхимд хуралдах ажээ.

Мөн өнөөдөр 11.30 цагт төсвийн байнгын хороо хуралдах аж. Байнгын хорооны хуралдаанаар Татварын ерөнхий хуульд нэмэлт, өөрчлөлт оруулах тухай, Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай, Нэмэгдсэн өртгийн албан татварын тухай хуульд нэмэлт, өөрчлөлт оруулах тухай, Гаалийн тариф, гаалийн татварын тухай хуульд нэмэлт, өөрчлөлт оруулах тухай хуулийн төсөл /Хөрөнгө оруулалтын тухай хуулийн төслийг дагалдан өргөн мэдүүлсэн, анхны хэлэлцүүлэг, санал, дүгнэлтээ Эдийн засгийн байнгын хороонд хүргүүлнэ/; Аж ахуйн нэгжийн орлогын албан татварын тухай хуульд нэмэлт оруулах тухай хуулийн төсөл /Хөрөнгө оруулалтын сангийн тухай хуулийн төслийг дагалдан өргөн мэдүүлсэн, анхны хэлэлцүүлэг, санал, дүгнэлтээ Эдийн засгийн байнгын хороонд хүргүүлнэ/ зэрэг асуудлыг хэлэлцэхээр төлөвлөжээ.