Засгийн газрын хуралдаан болж байна

Засгийн газрын ээлжит хуралдаан өнөөдөр 10.00 цагт зарлагдсанаар хуралдаан эхлээд удаагүй байна. Үүгээр нийт 20 шахам асуудал хэлэлцэхээр шийдвэрлэсний дотор Нууц асуудал багтаж буй юм. Эл асуудлыг Гадаад харилцааны сайд Л.Болд хэлэлцүүлэх бол Монгол Улсын 2013 оны төсвийн тухай хуулийн хэрэгжилтийг зохион байгуулах тухай асуудлыг Сангийн сайд Ч.Улаан хэлэлцүүлнэ.

Монгол Улсын татварын орлого бүрдэхгүйгээс төсвийн орлого төвлөрүүлэлт 1.5 их наяд төгрөгөөр тасарсан тухай холбогдох албаныхан мэдээлж буй. Тиймээс 2013 оны нэгдсэн төсөвт тодотгол хийх шаардлага гарч ирж магадгүй байгаа юм. Эл асуудлыг Засгийн газар өнөөдрийн хуралдаанаар хэлэлцэнэ.

Засгийн газрын хуралдаанаар хэлэлцэх бусад асуудлын дэлгэрэнгүйг доорх хүснэгтээс сонирхоно уу.

№	Хэлэлцэх асуудал	Засгийн газрын гишүүн
	Монгол Улсын Ерөнхий сайдын Япон Улсад хийсэн айлчлалын дүнгийн тухай*	Л.БОЛД
	Мянганы сорилтын санг татан буулгах тухай	Ч.САЙХАНБИЛЭГ
	“Эрдэнэс МГЛ” ХХК-ийн дүрэм батлах тухай” Засгийн газрын тогтоолын төсөл	Ч.САЙХАНБИЛЭГ
	Захиргааны байгууллагын ХШҮ-ний журам батлах тухай Засгийн газрын тогтоолын төсөл	Ч.САЙХАНБИЛЭГ
	“Интернэтийн үйлчилгээ, цахим тоглоомын газрыг бүртгэх үйл ажиллагааг зохицуулах журам батлах тухай” Засгийн газрын тогтоолын төсөл	Х.ТЭМҮҮЖИН
	Монгол Улсын 2013 оны төсвийн тухай хуулийн хэрэгжилтийг зохион байгуулах тухай	Ч.УЛААН
	Орон зайн мэдээллийн дэд бүтцийн суурь мэдээлэл бүрдүүлэх, холбогдох асуудлуудын тухай Засгийн газрын тогтоолын төсөл*	Ц.БАЯРСАЙХАН
	Мянганы хөгжлийн зорилтуудын хэрэгжилтийн үндэсний тав дахь илтгэлийн төсөл	Н.БАТБАЯР
	2014 онд Монгол оронд зохиогдох олон улс, тив дэлхийн тэмцээний тухай	Ц.ОЮУНГЭРЭЛ
	“Хүүхдийн эрхийн конвенцийн Мэдээлэл хүргүүлэх журмын тухай Нэмэлт протокол”-д нэгдэн орох тухай	С.ЭРДЭНЭ
	Тамхин бүтээгдэхүүний хууль бус худалдааг устгах тухай Протоколд нэгдэн орох тухай	Н.УДВАЛ
	Нууц асуудал*	Л.БОЛД

	Танилцуулах асуудал	Засгийн газрын гишүүн
13.	Засгийн газрын хуралдаанд 6, 7, 8 дугаар саруудад хэлэлцүүлэхээр төлөвлөсөн асуудлуудын талаархи танилцуулга	Ч.САЙХАНБИЛЭГ
14.	“Монгол Улсын Засгийн газрын 2012-2016 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөө”-ний хэрэгжилт хангалтгүй байгаа зарим арга хэмжээний явцын тухай	Ч.САЙХАНБИЛЭГ
15.	Шинэ Зеландын Гадаад хэргийн сайдын айлчлалын дүнгийн тухай	Л.БОЛД
16.	Зам, тээврийн сайдын гадаад томилолтын дүнгийн тухай*	А.ГАНСҮХ
17.	Эрчим хүчний салбарын 2013-2014 оны өвөлжилтийн бэлтгэл ажлын явцын талаар	М.СОНОМПИЛ