УИХ-ын гишүүн Ё.Отгонбаярын эхнэр О.Эрдэнэсолонгыг хувийн дансаараа дамжуулан их хэмжээ­ний төгрөг болон валютын гүйл­гээ хийсэн нь мөнгө угаасан, хууль зөрчсөн байж болзошгүй гэж үзэж цагдаагийн байгууллага эрүүгийн хэрэг үүсгэн шалгаж байгаа билээ. Энэ хэргийг Улсын мөрдөн бай­цаах газрын Эдийн засгийн гэмт хэ­рэг­тэй тэмцэх хэлтэс шалгаж дуус­сан байна. Хэргийг Нийслэлийн прокурорын газарт шилжүүлэхээр болжээ.

Дээрх хэрэгтэй холбогдуулан УИХ-ын гишүүн Ё.Отгонбаярыг хуулийн байгууллага шалгаж эхэлсэн гэдэг мэдээлэл гарсан. Учир нь О.Эрдэнэсолонгын дан­саар их хэмжээний мөнгөн гүйлгээ хийгдсэн тухайн үед Ё.Отгонбаяр Боловсрол, соёл, шинжлэх ухааны сайдаар ажиллаж байсан юм. Иймд түүнийг сайдын алба хашиж байх үедээ эхнэртэйгээ хамтарч мөнгө угаасан байж болзошгүй гэж олон нийт таамагладаг. Гэвч түүнд эрүү­гийн хэрэг үүсгээгүй байна.

Энэ талаар УИХ-ын гишүүн Ё.Отгонбаяраас тодруулахад “На­майг дуудаж байцаасан зүйл байхгүй байна. Эрүүгийн хэрэг үүсгэн шалгаагүй. Харин миний гэр бүлийн хүнд холбогдох хэр­гийн мөрдөн байцаах ажил дуус­сан. Прокурорт шилжүүлэх гэж бай­гаа” гэсэн юм.