Волейболын эмэгтэйчүүдийн Азийн аварга шалгаруулах тэмцээнд оролцож
буй Монголын шигшээ баг өнөөдөр Мьянмар улсын багтай тоглоно. Мьянмарын багийг хожвол Шри Ланк, Хонгконгийн аль хожсон багтай нь XIII байрны төлөө маргааш тоглох юм.

Энэ сарын 13-нд Тайландын Рачишима хотноо эхэлсэн эмэгтэйчүүдийн 17 дахь
удаагийн Азийн аварга шалгаруулах тэмцээн өндөрлөх дөхөж байна. "А" хэсэгт хожил авч чадаагүй Монголын шигшээ "G" хэсэгт Австрали, Индонези, Хонгконгийн шигшээ багуудтай дахин тоглож, XIII байрны төлөө тоглох болсон. Өнөөдөр болох тоглолтод Мьянмарыг багийг хожвол, Шри Ланк, Хонгконгийн аль хожсон багтай нь XIII байрны төлөө маргааш тоглох юм.

Монголын шигшээ есдүгээр сарын 17-нд Хонгконгийн багийг 3:1 (25:19, 23:25, 25:22, 25:17)-ийн харьцаагаар хожиж, анхны хожлоо авсан.

Хоёр жил тутамд болдог Азийн аварга шалгаруулах тэмцээнд Монгол улсын шигшээ анх удаа оролцож байна.