Дорноговь аймгийн хувьд өвөлжилт, хаваржилт өнтэй сайхан болж байна. Аймгийн хэмжээнд энэ онд 559.2 мянган толгой мал төллөхөөс энэ сарын эхний байдлаар хээлтэгч малын 16.1 хувь буюу 89.9 мянган мал төллөөд байна. Төл бойжилт аймгийн дүнгээр 99 хувьтай байна. Баянжаргалан, Сайнцагаанаас бусад сум төлийн хорогдолгүй байна.

Он гараад эхний гурван сарын байдлаар аймгийн хэмжээнд 174 толгой мал хорогдсон. Дэлгэрцогт, Цагаандэлгэр, Эрдэнэдалай, Сайнцагаан, Адаацаг сумаас бусад нь том малын хорогдолгүй гэсэн мэдээллийг аймгийн Статистикийн албанаас ирүүлжээ.