Өвөр Монголын Ордос нутагт байх Чингисийн онгоныг тахих ёслол өнгөрсөн бямба гаригт болж 50 мянга гаруй хүн оролцлоо. Манай Монголоос ч мөн нэлээдгүй хүн зорьж очсон сурагтай.

Уг ёслолыг Дархад овгийн гэр бүлийнхэн 78 дахь жилдээ зохион байгуулж байгаа юм гэнэ. Тэд бол их хааны онгоныг сахин хамгаалж ирсэн овгийн үр удам. Ордос нутагт байх Чингисийн цогцолбор жуулчдыг ихээр татдаг бөгөөд жил ирэх тусам улам олон хүн газар газраас зорин ирэх болжээ.