Төрийн албаны зөвлөл Удирдлагын академитай хамтран “Нутгийн удирдлага, манлайлал” сэдвээр сургалт зохион байгууллаа. Энэ сургалтад аймгуудын Засаг даргын Тамгын газрын дарга бөгөөд аймаг дахь Төрийн албаны зөвлөлийн салбар зөвлөлийн дарга нар оролцов. Сургалтын үеэр нутгийн удирдлагын мөн чанар, орон нутгийн хөгжлийн бодлого, стратегийн төлөвлөлт, төсвийн шинэчлэл, хяналт шинжилгээ, төрийн албан хаагчийн хөдөлмөрийн харилцаа, хүний нөөцийн хөгжил, төрийн албан хаагчийн ёс зүй, төрийн үйлчилгээг орон нутагт хүргэх альтернатив хувилбар зэрэг сэдвээр лекц сонсож, харилцан ярилцаж, санал бодлоо солилцжээ.

Мөн аймгуудын Засаг даргын Тамгын газрын Төрийн захиргааны удирдлагын хэлтсийн хүний нөөцийн асуудал хариуцсан  мэргэжилтнүүд “Хүний нөөцийн удирдлага” сэдэвт сургалтад хамрагдлаа.