Энэ өдрүүдэд ихэнх нутгаар хур тунадас, уулархаг нутгаар нойтон цас орж, газар тариалангийн бүс нутгаар шөнөдөө цочир хүйтрэхийг Ус цаг уур, орчны хүрээлэнгээс онцгойлон анхааруулж байна.

Есдүгээр сарын 8-нд ихэнх нутгаар, 9, 10-нд нутгийн зүүн хагаст хур тунадас орно. Салхи 8-нд ихэнх нутгаар, 9-нд говь, талын нутгаар секундэд 16-18 метр хүрч ширүүсч, Алтай, Хангай, Хөвсгөл, Хэнтэйн уулархаг нутгаар шөнөдөө 4-9 градус хүйтэн, өдөртөө 1-6 градус, Говийн бүс нутгийн өмнөд хэсгээр шөнөдөө 5-10 градус, өдөртөө 15-20 градус дулаан, бусад нутгаар шөнөдөө 2 градус хүйтнээс 3 градус дулаан, цочир хүйтэрч, өдөртөө 7-12 градус дулаан байна. 10-нд нутгийн баруун хэсгээр, цаашдаа ихэнх нутгаар өдөртөө дулаарна гэж Ус цаг уур, орчны хүрээлэнгээс мэдээлэв.