Кувейтийн эмир Сабах аль-Ахмад аль-Жабер аль-Саба ирэх 13-ны өдөр АНУ-ын Вашингтон хотноо айлчлахаар төлөвлөжээ. Кувейтийн эмирийн АНУ-д хийх айлчлалын зорилго нь Ерөнхийлөгч Барак Обаматай Ойрхи-Дорнодын бүс нутагт үүсээд буй асуудлыг авч хэлэлцэх гэнэ. Энэ тухай өнөөдөр АНУ-ын “Цагаан ордон”-ы төлөөлөгч мэдээлжээ.
Кувейтийн эмирийн айлчлал нь АНУ өнгөрсөн наймдугаар сарын 21-нд Дамаскийн ойролцоо болсон химийн хорт бодис бүхий халдлагын хариуцлагыг Башар аль-Ассадаас нэхэх үүднээс Сирид цэргийн цохилт өгөхөөр бэлтгэж буйтай холбоотой аж. Үүний зэрэгцээ Арабын зарим орнууд АНУ Сирид цэргийн цохилт өгөхөөр болвол санхүүгийн тусламж, дэмжлэг үзүүлэхээ мэдэгдээд байгаа билээ.
Б.АНХТУЯА