Дэлхийн шилдэг хөлбөмбөгчийн шагналыг дөрвөн жил дараалан хүртсэн Лионель Месси болон түүний аав Хорхе Месси нар 2007-2007 оны хооронд Испанийн татварын албанаас нуун дарагдуулсан гэх 6,6 сая ам.долларын татварын өрөө төлж, барагдуулжээ. Тэд өнгөрсөн наймдугаар сарын 14-нд нуун дарагдуулсан гэх татвараа зохих торгууль, шимтгэлийн хамт төлсөн тухай тус улсын Дээд шүүхээс мэдэгджээ.

Гэхдээ Месси татвар нуун дарагдуулсан хэрэгтэй холбоотой шүүх хурал есдүгээр сарын 17-нд болох товтой. Мессигийн хуульч, өмгөөлөгчдийн зүгээс шүүх хурлыг хойшлуулах хүсэлт гаргасан бөгөөд хоёр хоногийн дотор шүүх шийдвэрээ гаргах аж. Энэ тухай мэдээлэл анх олон нийтэд гарсан даруйд Месси Facebook хуудсаараа дамжуулан мэдэгдэл хийж, татвараас зайлсхийсэн асуудал байхгүй, ямар нэг буруу зүйл хийгээгүй гэсэн билээ.