Тайланд, Камбожийн армийнхан сүүлийн гурван өдрийн турш хоорондоо их буугаар буудалцаж, хоёр орны нутаг дэвсгэрийн маргалдаан хүндэрч эхэлсэн байна. НҮБ-аас гал нээхээ зогсоохыг уриалсан боловч хоёр тал мөргөлдөөнөө үргэлжлүүлсээр байгаа юм байна.

Хоёр тал бие биеэ  буруутгаж байгаа бөгөөд камбожийн 6 цэрэг, тайландийн 4 цэрэг амь үрэгдээд байгаа ажээ.
Пном Пень тайландийн армийг буруутгаж, “хорт хий агуулсан сум бүхий” их буугаар буудаж байна гэсэн байна.
Гэвч Тайландийн ерөнхий сайд энэхүү мэдэгдлийг няцааж, камбожийн тал мөргөлдөөнийг  “олон улсын” шинж чанартай болгохыг санаархаж байна гэжээ.