Хан-Уул дүүргийн багш нарын бага хурлыг наймдугаар сарын 30-ны өдөр Буянт ухаа цогцолбор сургуульд зохион байгууллаа. Бага хуралд БШУЯ, Нийслэлийн боловсролын газар, дүүргийн Засаг даргын Тамгын  газар, Иргэдийн хурлын  тэргүүлэгчийн төлөөллүүд болон дүүргийн ЕБС-ийн захирал, цэцэрлэгийн эрхлэгч, багш, ажилчид оролцлоо.

2012-2013 оны хичээлийн жилд боловсролын шинэчлэлийн хүрээнд хийсэн ажлын тайлан мэдээг Боловсролын хэлтсийн дарга С.Эрдэнэчимэг  танилцуулж Боловсрол, шинжлэх ухааны яамнаас  2013-2014 оны хичээлийн жилд дэвшүүлсэн зорилтыг хэрэгжүүлэхтэй холбогдуулан цэцэрлэгийн багш, ажилтны оролцоотойгоор энэ хичээлийн жилийн зорилго, зорилтыг энэхүү бага хурлаар баталж тодорхойлсон юм.

Мөн дүүргийн багшийн ёс зүйн салбар зөвлөлийг 9 хүний бүрэлдэхүүнтэй шинээр байгууллаа.